Fransa və Suriya Bəşər Əsədin əmisindən müsadirə edilmiş vəsaitlərin Dəməşqə qaytarılması prosesinə başlayıb

 Fransa və Suriya sabiq prezident Bəşər Əsədin əmisi - Rifat əl-Əsəddən müsadirə edilmiş 51 milyon avronun (58,29 milyon dollar) Dəməşqə qaytarılması prosesinə başlayıb.
Bu barədə "Al-Hadath" məlumat yayıb.
Bu məsələ Fransa prezidenti Emmanuel Makron və Suriyanın keçid dövrü Prezidenti Əhməd əş-Şəra arasında Dəməşqdəki danışıqlar zamanı müzakirə edilib.
Həmçinin bildirilib ki, Fransa Suriyanın Mərkəzi Bankına texniki yardım göstərəcək.
Qeyd edək ki, Bəşər Əsəd 2024-cü ilin dekabrında Suriyada silahlı çevriliş nəticəsində hakimiyyətinin süqutundan sonra ailəsi ilə birgə Rusiyada sığınacaq alıb.