"Deməli, bu Astara yolunda "Yolüstü" restoranında dedik bir tikə yemək yeyək. Yeməkləri soruşduq (iş yerlərində olduğu kimi) qiymətləri normal dedilər..." DİA.AZ bildirir ki, bu barədə" Müştərinin Səsi" sosial qrupundakı paylaşımında İsa Nəcəfov adlı istifadəçi giley edir.

Narazı vətəndaş daha sonra yazır: "5 ədəd spagetti götürdük (2 manat idi) dedik üstünə 1qaşıq ət qulyaj qoysunlar və birinində üstünə qaymaqlı toyuq əlavə etdirdik (bircə qaşıq sadəcə) və beləliklə adamlar bircə qaşıq qaymaqlı toyuğa 6 manat hesab yazıblar.

Deməli, 1 qab spagetti 2 manat 1 qaşıq toyuq 6 manat.... Yəni o yolu gedəndə həmişə "Hacıoğlu"da yemişdik... Amma bu dəfə fərqlilik edək dedik və həqiqətən də fərqlilik oldu..."

DİA.AZ bildirir ki, yerli KİV-də sözügedən restoranın bu günlərdə vəzifəsindən alınmış Ədliyyə Nazirinin keçmiş müavini, eyni zamanda Penitensiar Xidmətin keçmiş rəisi, ədliyyə general-leytenantı Ceyhun Həsənovun oğluna məxsus olduğu iddia olunub. Və həmin restoran düz bir il əvvəl istifadəyə verilib.

İddia olunanlarla bağlı Xalqxeber.az olaraq qarşı tərəfi də dinləməyə hazırıq...