XalqXəbər.Az

www.XALQXEBER.az » Cəmiyyət » Şuşada “Xarı bülbül” Muğam Festivalı keçiriləcək

Şuşada “Xarı bülbül” Muğam Festivalı keçiriləcək

Şuşada “Xarı bülbül” Muğam Festivalı keçiriləcək
26-01-2021, 17:12

Bu gün Milli Məclisin Mədəniyyət komitəsinin iclası keçirilib.

İclasda komitənin 2021-ci il yaz sessiyasının qanunvericilik işləri planı müzakirə edilib.

Qeyd olunub ki, qarşıdakı sessiyada komitədə “Azərbaycan muğam sənətinin qorunması və inkişaf etdirilməsi haqqında” qanun layihəsi hazırlanacaq, digər vacib sənədlər üzərində iş davam etdiriləcək.

Qənirə Paşayeva bildirib ki, yaz sessiyasında komitədə görüləsi işlər xüsusilə çoxdur. Belə ki, işğaldan azad edilən Şuşa şəhərinin Prezident İlham Əliyevin müvafiq sərəncamları ilə Azərbaycanın Mədəniyyət Paytaxtı elan edilməsi, Şuşada cari ilin may-iyun aylarında “Xarı bülbül” Muğam Festivalının və payız aylarında Molla Pənah Vaqif Poeziya günlərinin keçirilməsinin planlaşdırılması və 2021-ci ilin “Nizami ili” elan edilməsi ilə bağlı mühüm layihələr hazırlanır. Komitə sədri bu layihələrin icrası ilə bağlı Mədəniyyət komitəsinin üzərinə düşən vəzifələrdən söhbət açıb.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.