“Bakı Metropololiteni”nin Xocasəndə tikilməkdə olan 3-cü deposunda çalışan 1 saylı tunel tikinti dəstəsinin işçiləri idarənin mətbuat xidmətinin yalanını üzə çıxardı.
Qeyd edək ki, işçilər bildiriblər ki, onlara işdən “könüllü çıxmaları” haqqında Metropolitendən ərizə formaları təqdim edilib.
Qurumun səlahiyyətlisi Nəsimi Paşayev isə bu məlumatı təkzib etmişdi, belə bir halın baş vermədiyini bildirmişdi.
Metropolitenin tikintisində çalışan, adının açıqlanmasını istəməyən işçi isə N.Paşayevin dediklərinin yalan olduğunu bildirib. O fakt kimi, təqdim edilən ərizənin şəklini də redaksiyamıza göndərib. Şəkildə görünür ki, işdən çıxmaq haqqında boş ərizə formaları işçilərə paylanıb. İşçilərin könüllü olaraq getmələri üçün sadəcə ad və soyadlarını yazmaq qalır.

PressClub.Az