XalqXəbər.Az

www.XALQXEBER.az » Cəmiyyət » Bu halda sürücülər cərimələnməyəcək

Bu halda sürücülər cərimələnməyəcək

Bu halda sürücülər cərimələnməyəcək
11-04-2020, 12:12

“Nəqliyyat vasitələrinin sahiblərinin icbari sığorta müqaviləsi bitibsə, onlar onlayn şəkildə müqavilə bağlaya bilər”.

Bu barədə Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, Kamran Əliyev məlumat verib.

Onun sözlərinə görə, icbari sığorta müqaviləsinin ödənişləri də onlayn şəkildə ödənilir:

“Xüsusi karantin müddətində kimsə hansısa səbəbdən sığorta şirkətləri ilə müqavilə bağlaya bilmirsə, texniki problemin yaranma məsələsi nəzərə alınacaq. Belə ki, icbari sığorta müqaviləsinin bağlanmamasına görə də həmin nəqliyyat vasitələrinin xüsusi texniki vasitələrlə aşkarlanması prosesi karantin rejiminin sonuna kimi dayandırılıb”.

Kamran Əliyev icbari sığorta müddətinin bitməsindən sonra bu müddətdə qəza baş veribsə, bununla bağlı prosedurun necə tənzimlənəcəyi barədə də danışıb:
“Əgər icbari sığorta müddəti başa çatan nəqliyyat vasitəsi hansısa qəza törədirsə, o zaman nə qarşı tərəfə dəyən ziyan, nə də avtomobilə dəymiş ziyan ödəniləcək”, - deyə K.Əliyev qeyd edib.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.