XalqXəbər.Az

www.XALQXEBER.az » Cəmiyyət » Şərurlu İsfəndiyara nazirlikdə kim hamilik edir?

Şərurlu İsfəndiyara nazirlikdə kim hamilik edir?

Şərurlu İsfəndiyara nazirlikdə kim hamilik edir?
2-03-2020, 11:47

"Şərur” MTK tərəfindən aldadılaraq maddi və mənəvi zərərçəkmişlər (hazırda tələbkarlar) Azərbaycan Respublikasının Birinci Vitse-Prezidenti Mehriban xanım Əliyevaya Müraciət edib. Həmin Müraciəti olduğu kimi diqqətinizə çatdırırıq:

Çox hörmətli Birinci Xanımımız və Birinci Vitse-Prezidentimiz!

Tam əminliklə bildiririk ki, hörmətli Prezidentimiz İlham Əliyev Cənablarından və Sizdən başqa heç kim mənzillərimizi bizə qaytarmayacaq. Buna görə yenə son ümid yeri olaraq Sizə müraciət etmək məcburiyyətində qaldıq.

Məlumat üçün bildirək ki, 2011- ci ildə “MUR-AY” MMC-nin vətəndaşlara yaratdığı ciddi problem hörmətli Prezidentimiz İlham Əliyev Cənablarının diqqətini cəlb etmiş və problemin həll edilməsi üçün aidiyyatı dövlət qurumlarına müvafiq göstəriş vermişdir. 29 dekabr 2011-ci il tarixdə Bakı ŞİH başda olmaqla 17 dövlət qurum və təşkilatları, həmçinin “Şərur” MTK da bu problemin həllinə cəlb olunaraq birgə müqavilə imzalamışlar.

Problemin həlli Bakı ŞİH-nin sərəncamı ilə “Şərur” MTK-ya tapşırılmış və “MUR-AY” MMC-nin bütün əmlakları o cümlədən müqavilə öhdəlikləri “Şərur” MTK-nın üzərinə qoyulmuşdur. Əlavə olaraq “Şərur” MTK-ya Yasamal rayonu, Kənar dairəvi küçəsi ünvanda (hazırda Məhəmməd Xiyabani küçəsi 11) 4 hektar torpaq sahəsı və on milyon (10 000 0000) AZN maliyə yardımı ayırlmışdır. Bunun müqabilində “Şərur” MTK-nın sahibi İsfəndiyar Axundov şəxsən imzaladığı bu müqavilənin 35-ci bəndinə uyğun olaraq “MUR-AY” MMC zərərçəkənlərini 2 il müddətdə, yəni geci 2015-cü ilədək mənzillə təmin etməli idi.

2018-ci ildə Sizə müraciətimiz əsasında işimizi nəzarətinizə götürmüş, işin qanunauyğun və ədalətli araşdırılması üçün göstərişinizi vermişdiniz. Nəticədə Bakı Apellyasiya Məhkəməsində eləcədə Ali Məhkəmədə qanuni və ədalətli qərarlar çıxarılmışdır.

Çox mərhəmətli Mehriban Xanım,

Sizin ədalətiniz sayəsində bütün məhkəmələrdə çıxarılmış qanunauyğun qərarlar əlimizdə ola-ola biz heç bir cürə mənzillərimizə qovuşa bilmirik. Bunun başlıca səbəbkarı isə “məğlub edilməz iş adamı” İsfəndiyar Axundovun, Azərbaycan Respublikası Ədliyyə Nazirliyi İcra Baş İdarəsinin rəhbəri Nurəddin Mustafayev tərəfindən qətiyyətlə himayə olunmasıdır.

Çünki Azərbaycan Respublikası Ali Məhkəməsinin 23 iyul 2019-cu il tarixli qərarı ilə qüvvəyə minmiş və artıq 5 aydır ki, icraya yönəlmiş qərarın yerinə yetirilməsini Nurəddin Mustafayev bütün gücü ilə əngəlləyir. İcraya başlamaq haqqında qərardan keçən 6 aya yaxın müddətdə biz tələbkarlar 7 dəfə Nurəddin Mustafayevin qəbulunda olmuşuq.

İlk görüşdə Nurəddin Mustafayev bizə açıq-aşkar bildirdi ki, İsfəndiyar Axundovun adamları məndən xahiş ediblər ki, bu işin icrasını 1 ay gecikdirim. Biz də məcbur olub 1 ay gözlədik. Bir ay müddəti Nurəddin Mustafayev tərəfindən müxtəlif bəhanələrlə (gah icra məmurlarını dəyişərək, gah da hakimin icra yerini, ünvanı dəqiq göstərmədiyini və s.) 3 aydan artıq uzadıldı. Bundan sonra məcbur olaraq Ədliyyə Nazirinin müavini Vilayət Eyvazova, Nurəddin Mustafayevin törətdiyi əməllərlə bağlı şikayət ərizəsi ilə müraciət etdik.

Nə Vilayət müəllimin göstərişinə də Bakı Apellyasiya Məhkəməsinin hakimi Məmməd Məmmədovun qərarına heç bir əhəmiyyət verməyən Nurəddin Mustafayev son olaraq 27 fevral 2020-ci il tarixdə bizə bunları dedi – “kimə və hara istəyirsiniz gedin şikayət edin heç nəyə nail olmayacaqsınız, çünki siz mətbuatda Birinci Vitse-Prezidentə müraciətinizdə mənə qarşı çox böyük vicdansızlıq edərək yalan və iftiralarla dolu məlumat yaymısınız?! Nəhayət bu gün bizə aydın oldu ki, İcra Baş İdarəsində bəzi adlarının çəkilməsini istəməyən məmurların biz zərərçəkənlərə qeyri-rəsmi olaraq – “işinizin bu idarədə düzəlməsi mümkün deyildir, beləki idarənin rəhbəri Nurəddin Mustafayev İsfəndiyar Axundovla uzun illərə dayanan çox isti münasibətdədirlər və O, Azərbaycan Respublikası Ədliyyə Nazirliyi İcra Baş İdarəsində belə fikir yayıbdır ki, guya Heyder Əliyev Fonduna İsfəndiyar Axundov tərəfindən külli miqdarda vəsaitlər yönəldilmiş və hal-hazırda yönəldilməkdədir” – demələrinin səbəbi nə imiş. Əlbəttə bütün bu fikirlər şəxsi mənafelər naminə Nurəddin Mustafayevin öz vəzifəsini icra etməməsini ört basdır etmək üçün uydurduğu şayələrdir.

Biz Sizin təmizlik və ədalət simvolu olan şəxsinizin və Ümummilli Liderin müqəddəs adını daşıyan bir Fondun İsfəndiyar Axundov kimi dələduzlarla bağlılığına heç vaxt inanmadıq və inanmırıq.

Çox Hörmətli Birinci Vitse-Prezidentimiz!

Sizdən acizanə dərəcədə xahiş və təvəqqə edirik ki, mərhəmətinizi bizim üzərimzdən əskik etməyəsiniz. “Şərur” MTK-nın sahibi İsfəndiyar Axundova və onu şəxsi maraqları naminə bütün gücü ilə müdafiə etməklə, vətəndaşları dövlətimizdən narazı salmağa yönəlik və qanunlarla daban-dabana zidd əməllər törədərək, öz başınalıqla məşğul olan Nurəddin Mustafayev kimi məmurlara hədlərini bildirəsiniz və mənzillərimizin bizə qaytarılmasına köməklik edəsiniz.

Biz yalnız Sizin mərhəmətinizə sığınaraq inanırıq ki, təkcə ölkəmiz daxilində deyil, ölkəmizdən xaricdə də mərhəmətin simvoluna çevrilmiş ədalətiniz sayəsində Cənab Prezidentimizin verdiyi göstərişin tam həlli üçün köməyinizi əsirgəməyəcəksiniz.

Qadir Allahdan Prezidentimizə, Sizə və dəyərli ailə üzvlərinizə möhkəm can sağlığı, qüdrət və xoşbəxtlik arzulayırıq. Dərin hörmətlərlə,

Əsədov Əli Musa oğlu,

Əhmədov Sübhan Süleyman oğlu,
Cəfərov Mafisəd İltizam oğlu,
4.Abbasov İlqar Vəlican oğlu,

5.Əliyev Zəfər Əlisahib oğlu,

6.Məmmədli Müzəffər Əli oğlu,

7.Şirinbəyova Maral Muxtarpaşa qızı,

8.Abasova Seyranə Şərəfxan qızı,

9.İsgəndərov Vidadi Təhlət oğlu,

10.Aslanova Nailə Vasif qızı,

11.Abasov Mahir Ruşan oğlu,

12.Talıbova Zibeydə Dadaş qızı,

13.Əliyev Qulamhüseyn Əlihüseyn oğlu,

14.Abıyev Anar İsrəfil oğlu,

15.Səfərov Alim Ərəstun oğlu. //reportyor.info//

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.