XalqXəbər.Az

www.XALQXEBER.az » Cəmiyyət » MSK-nın rəsmi təmsilçisi: Qadınsan, get bozbaşını bişir (QALMAQAL)

MSK-nın rəsmi təmsilçisi: Qadınsan, get bozbaşını bişir (QALMAQAL)

MSK-nın rəsmi təmsilçisi: Qadınsan, get bozbaşını bişir (QALMAQAL)
23-02-2020, 15:43

Bu gün Bakı Apellyasiya Məhkəməsində hakim Ülvi Mayılovun sədrliyi ilə 9 saylı Binəqədi ikinci seçki dairəsindən deputatlığa namizəd Günel Səfərovanın Mərkəzi Seçki Komissiyasına qarşı şikayətinə baxılıb.

Aktual.az-a istinadən xəbər veririk ki, məhkəmə heç bir araşdırma aparmadan MSK üzvü Ramiz İbrahimovun tovsiyyəsi ilə iddianın təmin olunmaması barədə qərar verib.

Məlumata əsasən, qərar veriləndən sonra namizəd Günel Səfərova MSK üzvünə, “Ramiz müəllim verilən qərardan vicdanınız rahatdırmı?” sualını ünvanlayıb.

MSK rəsmisi Ramiz İbrahimovun cavabı hamını təəccübləndirib: “Niyə namizəd olmusan? Qadınsan, get bozbaşını bişir”.

Günel Səfərovanın reaksiyası isə daha sərt olub: “Saxtakarlıq etməkdənsə, kaş bozbaşı siz bişirərdiniz. Sizin kimi “bozbaşlar” seçkini bu günə qoyub. Siz qadının yerini bozbaş bişirməkdə görürsünüz? Utanmırsınız qadınlara bu cür yanaşırsınız? Axı Vitse-prezident qadındır”.

Hətta MSK təmsilçisinin bu cavabı hakimlərin də təəccübünə səbəb olub. Səhv etdiyini anlayan R.İbrahimov dərhal iclas zalını tərk edib.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.