Bu fikirləri deputatlığa namizədliyini vermiş həkim Vasif İsmayıl səsləndirib...
“41 saylı Sumqayıt birinci seçki dairəsinin nəticələri ləğv edilməlidir.
Hicran Hüseynovaya səslərin necə verildiyini bilirik. Karusel və məcburi qaydada. Yetmədi başqa namizədlərdən bülleten oğurlayıb Hicran hüseynovaya əlavə ediblər. Bunu dünənki videoda sübut etdim”.

Bu fikirləri deputatlığa namizədliyini vermiş həkim Vasif İsmayıl səsləndirib

“Bu da yetmədi, Hicran Hüseynova xeyrinə kənardan bülleten gətirib hamının gözü qabağında həyasızcasına ortalığa atıb yenə də həyasızcasına bir də sayırlar. Lap komediyadır. Məntəqəyə verilmiş bülleten sayından 50 bülleten artıq çıxır. Deməli kimlərsə məntəqəyə 50 bülleten artıq soxub. əlbəttəki qeyri-qanuni şəkildə”.

Vasif İsmayıl məntəqə seçki dairəsinin nəticələrinin ləğv edilməli olduğunu vurğulayıb.O məsələ ilə bağlı MSK-ya şikayət edəcəyini bildirib. Öz növbəsində MSK social şəbəkələrdə seçkilərlə bağlı yayılmış bütün materialların araşdırılacağını bildirib.Xatırladaq ki, seçkilər başlamazdan bir neçə gün öncə social şəbəkələrdə kimlərin adının qaliblər siyahısında olacağına dair siyahı dərc edilmişdi və o siyahıda Hicran Hüseynovanın da adı var idi. Seçkilərdən çox öncə, hələ namizədlərin siyahısı dərc olunmazdan öncə isə yenə social şəbəkələrdə Bahar Muradova ilə Hicran Hüseynovanın yerlərinin dəyişdiriləcəyinə dair məlumatlar yer almışdı. Görünən odur ki, social şəbəkələrdəki proqnozlar özlərini doğruldur.

Bizimyol.info