Bakı şəhər Prokurorluğunda yeni təyinat olub.
Xəzər rayon Prokurorluğunun müstəntiqi Təbriz Məmmədyarov Bakı şəhər Prokurorluğunda İstintaq İdarəsinin böyük müstəntiqi təyin edilib.
Qeyd edək ki, Təbriz Məmmədyarovun 28 yaşı var və prokurorluq orqanlarında Salyan rayon Prokurorluğunda xidmətə başlayıb. O, Xəzər rayon Prokurorluğunda işlədiyi müddətdə özünü bacarıqlı istintaqçı kimi göstərib və ağır cinayətlərin açılmasında və araşdırılmasında xüsusi fərqlənib.
Qeyd edək ki, son illərdə prokurorluq orqanlarında gəncləşdirmə siyasəti aparılır. Bir neçə gün əvvəl Şəki və Siyəzən rayonlarına da gənc prokurorlar təyin edilib.
