Xəbər verdiyimiz kimi, Qaçqınların və Məcburi Köçkünlərin İşləri üzrə Dövlət Komitəsinin təşəbbüsü ilə "#koçkunlerleberaberik" haştağlı virtual aksiya həyata keçirilir.
Aksiyaya bir çox tanınmış ictimaiyyət nümayəndələri və millət vəkilləri qoşularaq, fotolar çəkdirirlər.

Aksiyaya qoşulanlar arasında Milli Məclisin deputatı, Parlamentin Əmək və Sosial siyasət komitəsinin sədri Hadi Rəcəbli də var. Komitə sədri foto çəkdirirək, məcburi köçkünlərə öz dəstəyini nümayiş etdirib. Ancaq Hadi Rəcəblinin "AtaBank"ın binası qarşısında çəkdirdiyi foto diqqəti məcburi köçkünlərdən daha çox "AtaBank"ın reklamına yönəldib. Belə ki, sözügedən fotoda deputatın arxa fonunda bir neçə dəfə yazılmış "AtaBank" yazısı daha çox diqqət çəkir.

Sözügedən foto sosial şəbəkələrdə də birmənalı qarşılanmayıb. Həmin fotonu təqdim edirik:

Demokrat.az