Bir zamanlar Bakı Şəhər İcra Hakimiyyətinin başçısı postuna iddialı olan, sonradan isə bu planlarının baş tutmadığını görərək ambisiyalarından vaz keçmə zorunda qalan Lənkəran RİH rəhbəri Taleh Qaraşovdan xəbər var.

DİA.AZ-a mötəbər mənbələrdən daxil olan xəbərə görə, Taleh Qaraşov indi də Razim Məmmədovun gedişindən sonra boş qalan Xətai rayon icra hakimiyyətinin başçısı postuna iddia etməkdədir. Mənbənin dia.az-a söylədikləri:

"Cənab Qaraşov "yuxarıdakı" himayədarlarını da bu yöndə hərəkətə keçirib. Ola biilsin ki, istəklərinə nail olsun. Çünki onun namizədliyina hər hansıneqativ reaksiya yoxdur. Sadəcə, olaraq şəxsi sağlamlığı müəyyən problemlər yarada bilər".

Xatırladaq ki, yerli KİV-də qeyd olunan posta iddialılar sırasında hazırda Daşkəsənə rəhbərlik edən Əhəd Abıyevin də adı çəkilirdi. Görünəni odur ki, Daşkəsən şefi artıq belə bir niyyətdən kənardır.

Əlavə bilgilərimiz olacaq, bizi izləyin...