Nazir postunda özünün staboil addımları ilə diqqətə gələn İnam Kərimov üçün maraqlı qüvvələr tərəfindən sanki məqsədli şəkildə problemlər yaradılır. Bunu DİA.AZ-a açıqlamasında məlumatlı mənbə iddia edir.

Qaynağın dia.az-a söylədikləri: "İnam Kərimov Kənd Təsərrüfatı Naziri olaraq mövqelərini möhkəmləndirə biləcək addımları intensivləşdirsə də, komandasında kifayət qədər naşı hesab olunan fiqurlar var ki, onun bütün planlarını alt-üst etməklə yanaşı, təkcə cəmiyyəti yox, həm də ölkə rəhbərliyini yeni nazirə qarşı kökləndirməklə məşğuldur. Bütün bunlar isə təsadüfi ola bilməz".

Mənbə bildirir ki, məhz buna görə, gənc nazirimiz yenidən kadr islahatlarına getmək zorunda qalıb. Dia.az-a bildirilənlər:

"Bu dəfə isə köhnə heyət yox, məhz İnam Kərimovun nazir təyinatından sonra görəvə gətirilənlər hədəf olacaq. Əks halda İnam Kərimov onların yaratdığı çətinlikləri dəf etməyə cəlb olunacaq ki, bu da "yuxarıların" heç də ürəyincə deyil. Hər halda kiməsə "sən bu kürsüdə 5 il oturacaqsan" vədi verilməyib".

Əlavə bilgilərimiz olacaq. Bizi izləyin və İnam Kərimova kimlərin problem yaratmağa çalışdığını öyrənəcəksiniz...