"Azəriqaz" İstehsalat Birliyində maraqlı kadr dəyişiklikləri həyata keçirilib.

Bu barədə Neftçilərin Hüquqlarını Müdafiə Komitəsinin sədri Mirvari Qəhrəmanlı məlumat verib.

Mirvari xanım mətbuatda gedən ""Azəriqaz"da bir gecədə 5 regional idarə rəisi işdən qovuldu" başlıqlı yazıda adı çəkilənlərin, əslində, işdən azad edilmədiyini, başqa vəzifələrə təyiant aldıqlarını bildirib:

"Həmin yazıda işdən qovulduğu qeyd olunan vəzifəli şəxslər, əslində, başqa vəzifələrə tiyin olunublar.

Məsələn, Bakı İstismar Departamentinin rəisi Osman Behbudov Zakatala Regional Qaz İstismar İdarəsinə rəis təyin olunub. Xatırladım ki, həmin idarəyə beş rayon daxildir.

Bundan başqa, Bakı Sayğaclaşdırma Departamentinin rəisi Elşən Quliyev "Azəriqaz"da Qaz olçü qurğuları şöbəsinə rəis muavini, Tərtər Regional Qaz İstismar İdarəsinin rəisi Bakı İstismar Departamentinin rəisi, Tərtər Regional Qaz İstismar İdarəsinin rəisi vəzifəsinə isə həmin idarənin rəis müavini təyinat alıblar.

Məlumat üçün onu da deyim ki, Tərtər Regional Qaz İstismar İdarəsinin rəis vəzifəsinə təyin edilən şəxs də təsadüfi kadr deyil. O, "Azəriqaz" rəhbərinin satış üzrə müavini Ruslan Əliyevin qaynıdır...".

İş günü olmadığı üçün qarşı tərəfin mövqeyini öyrənə bilmədik.