Şəhid olan hərbi qulluqçumuz Aqşin Abdullayevin cənazəsini daşıyan polis göz yaşlarını saxlaya bilməyib.
Aqşin Abdullayev Şəki şəhərinin Kiş kəndinə dəfn edilib. Polis əsgərin valideynlərinin fəryadına dözə bilməyib.
Qeyd edək ki, fevralın 24-dən 25-nə keçən gecə Ermənistan silahlı qüvvələrinin bütün cəbhə boyu törətdiyi irimiqyaslı təxribatların qarşısını alarkən hərbi qulluqçularımız Abdullayev Aqşin İsmayıl oğlu, Nəzərov Şahlar Yaşar oğlu, Haşımlı Tural Əbdül oğlu, Qədimov Zülfü Rəhim oğlu və Cəfərov Zakir Nazim oğlu şəhid olub.
Şəhid olmuş hərbi qulluqçularımızın nəşləri beynəlxalq vasitəçilərin iştirakı ilə dünən döyüş meydanından təxliyə edilib.
