Bu gün 1991-ci il aprel ayının 10-da namərd gülləsindən vəzifə başında qətlə yetirilən Rəşid Rüstəmovun anım günüdür.
Məlumata görə, Rüstəmov Rəşid Köçəri oğlu 1954-cü il iyulun 16-da Bərdə rayonunda anadan olub.
Rəşid Rüstəmov "Kommunist"qəzetinin Lənkaranda zona müxbiri işlədiyi dövdə qətlə yetirilib. Deyirlər, torpağın üzü soyuqdur, qoynuna aldığını insanlara tez unutdurur. Lakin qələm dostları, iş yoldaşları, onu az-çox tanıyan yaxın- uzaq adamlar, oxucular Rəşid müəllimi heç vaxt unutmayacaqlar. Əgər haqqı nahaqqa satanlara, vicdan tərəzisini əyri tutanlara güzəştə getsəydi, el-oba,
Vətən qeyrəti çəkməsəydi və nahəyət həqiqət axtarmasaydı yüz il də yaşayardı. Amma narahat jurnalist ömrü yaşadı Rəşid Rüstəmov. Heç nəyə, heç kimə biganə olmadı. O, yaddaşlarda beləcə də qaldı...
Jurnalistin ailə üzvləri, dostları, ictimai xadimlər, ictimaiyyət nümayəndələri bu gün Rəşid Rüstəmovun qəbrini ziyarət ediblər. Allah rəhmət etsin!!!
