“Tək ümidimiz cənab nazir Ramil Usubova qalıb”

Bunu Yolçuyev Şakir Nəbi oğlu yazıb.

O, Bakının Binəqədi rayonu, 9 A mikrorayonu, Mircəlal küç.ev 3, mənzil 53-də yaşayır. Ş.Yolçuyev daxili işlər naziri Ramil Usubova növbəti dəfə müraciət edib:

“62 yaşım var və 40 il polis işçisi olmuşam. Polis mayoru rütbəsi ilə təqaüdə çıxmışam. Qarabağ döyüşlərində iştirak etmişəm. Fəxrlə deyirəm ki, ailəmiz polis ailəsidir.

Şərəfli polis zabiti olmağımdan və cənab Ramil Usubov kimi nazirin rəhbərliyi altında fəaliyyət göstərib təqaüdə alnıaçıq üzüağ çıxmağımdan qürur duyuram”.

Məktubda qeyd olunub: “Övladım Oktay Yolçuyev polis peşəsini şərəfli peşə hesab etdiyi üçün İqtisadiyyat Universitetinin beynəlxalq münasibətlər fakültəsini bitirdikdən sonra 2-ci ali təhsil almaq üçün Bakı Dövlət Universitetinin Hüquq fakultəsinə qəbul oldu və bitirdi.

Övladım dövlətimizə, xalqımıza xidmət etmək üçün sağlam düşüncəyə, təfəkkürə, savada malikdir. Hazırda oğlumun polis zabiti olması üçün bütün ailəmiz çalışırıq. Mən özüm, anası, oğlum özü nə qədər cəhd edirik nədənsə arzumuz reallaşmır.

Ona görə cənab nazirim Ramil Usubova müraciət etmək qərarına gəldim. Siz DİO-da savadlı, bacarıqlı, intellektual səviyyəli gənclərin yetişməsi üçün tam şəffaf və heç bir sistemdə rast gəlinməyən sturuktur formalaşdırmısınız. Sizin əməyinizi mən veteran polis işçisi kimi yüksək qiymətləndirib alqışlayıram.

Xahiş edirəm ailəmizin xüsusi ilə atanın, ananın həyəcanlı anlarını nəzərə alıb oğlum Oktay Yolçuyevin polis zabiti olması üçün imtahan verməsinə şərait yaradılmasına köməklik edəsiniz (055) 704-34-01)”.

politika