SON DƏQİQƏ
XalqXeber.Az » Cəmiyyət » "Hərbi xidmətdə olmayanlar hərbi haqqında qanundan danışır" - Siyavuş Novruzov

"Hərbi xidmətdə olmayanlar hərbi haqqında qanundan danışır" - Siyavuş Novruzov

Tarix:

15-12-2017, 14:03

/ 1 509 dəfə oxundu.
"Hərbi xidmətdə olmayanlar hərbi haqqında qanundan danışır" - Siyavuş Novruzov

"Silahlı qüvvələr Ali Baş Komandana tabedir. Bu sahəyəyə ictimai nəzarətin olmasının əleyhinəyəm. Bu iş hansı qeyri-hökumət təşkilatına tapşırılacaq, onların silahdan başı çıxırmı?”.
Bunu Milli Məclisin İctimai birliklər və dini qurumlar komitəsinin sədri, hakim Yeni Azərbaycan Partiyası (YAP) icra katibinin müavini Siyavuş Novruzov parlamentin bu gün keçirilən iclasında "Azərbaycan Respublikasının Silahlı Qüvvələri haqqında" qanun layihəsinin müzakirəsi zamanı deyib.
S.Novruzov etirazını bildirib: "Bəzən elə olur ki, hərbi xidmətdə olmayanlar hərbi haqqında qanundan danışır. Dünyada bu cür təcrübə var. Müqavilə əsasında formalaşan ordu olur, bu zaman ictimai nəzarətə ehtiyac yaranır”.
Deputat qeyd edib ki, orduya mütəxəssis rəhbərlik etməlidir:
"Bir dəfə orduya rəhbərliyi riyaziyyatçıya həvalə etdik, gördük, nələr baş verdi. Adını çəkmək istəmirəm, Milli Məclisə layiq deyil. Orduya profesionanal zabitlər olmalıdır. Media da Müdafiə Nazirliyinin yaydığı məlumatlara istinad etməlidir. Ordu sirləri qapalı olmalıdır. Mətbuat nazirliyin mətbuat xidmətinin verdiyi məlumatdan başqa məlumat yaymalı deyil”.

Şərhlər

XƏBƏR LENTİ