Azərbaycan Respublikasının Minatəmizləmə Agentliyinin (ANAMA) kollektivi Agentliyin təsis edilməsinin 28-ci ildönümü ilə əlaqədar Ulu Öndər Heydər Əliyevin məzarını ziyarət edib.

 Agentliyinin İdarə Heyəti və struktur bölmələrinin rəhbərləri Fəxri xiyabanda Heydər Əliyevin məzarını ziyarət edərək xatirəsini ehtiramla yad edib, məzarı önünə tər gül dəstələri qoyublar.

Ziyarətçilər daha sonra görkəmli oftalmoloq alim, akademik Zərifə xanım Əliyevanın məzarı üzərinə gül dəstələri düzüb, xatirəsini ehtiramla yad ediblər.