Bu barədə “Haberturk TV” məlumat yayıb.

Kanalın yaydığı məlumata görə, üçü özbək, ikisi Azərbaycan vətəndaşı olan beş nəfər saxlanılıb. Onlar hadisəni törətdikdən sonra bərbərə gedərək, saçlarını kəsdirib, paltarlarını dəyişsələr də, türk jandarması onları Antalya aeroportunda saxlayıb. Şübhəli şəxslərdən biri Rusiyaya qaçmağa müvəffəq olsa da, Türkiyənin qarşı tərəfə məlumat verməsi ilə təyyarədən düşən kimi saxlanılıb. Hazırda həmin şəxsin Türkiyəyə ekstradisiya olunması ilə bağlı zəruri prosedurlar həyata keçirilir.

Saxlanılan şəxslərdən birinin Azərbaycan milli komandasının <a href="https://savashmedia.az/araz-musayevi-millimizin-bas-mesqcisi-bicaqlayib-5-nefer-imisler-teferruat?fbclid=IwZXh0bgNhZW0CMTEAAR7FIEn-Q3XKHoD7GvPJP7hIRAvuMV65-SYE_7yeZYWj87vY9v44y1bRH51d8A_aem_5QcgVyE814yJRjaWOxdE5Q" target="_blank">baş</a> məşqçisi olduğu bildirilir.

Teleqraf-ın əldə etdiyi məlumata görə, söhbət Azərbaycanın kikboksinq üzrə milli komandasının baş məşqçisi Elşən Abdulrəhimovdan gedir.

Qeyd edək ki, Azərbaycan Muay Tay Federasiyasının prezidenti, 9 qat dünya çempionu Araz Musayev may ayının 28-də Antalyada keçirilən dünya çempionatı zamanı iki nəfərin hücumuna məruz qalıb. O, boynundan və qarnından bıçaqlanmışdı. Əməliyyatdan sonra palataya köçürülən federasiya prezidentinin vəziyyəti stabil qiymətləndirilir. (ajans.az)