Vətən müharibəsi şəhidi Zeynallı Zülfüqar Alim oğlunun xatirəsinin əbədiləşdirilməsi üçün yaradılmış şəhid otağının açılışı oldu.
Sinif otağının qapısı üzərində şəhidin adı yazılmış lövhə yerləşdirilib, otaqda şəhidin həyat və döyüş fəaliyyətini əks etdirən guşə yaradılıb.
Açılışda şəhidin atası Alim Zülfüqarlı, Yeni Azərbaycan Partiyası Şirvan şəhər təşkilatının sədri Zahir Qəhrəmanov və Heydər Əliyev Mərkəzinin direktoru Fəridə Yahyayeva iştirak edib.
Açılış mərasimində Vətənin azadlığı və bütövlüyü uğrunda şəhid olmuş igidlərimizin xatirəsi dərin hörmət və sonsuz ehtiramla yad edilib. Tədbirdə 3-cü a və 4-cü v sinif şagirdləri ədəbi bədii kompazisiya ilə çıxış etdilər.
Şəhidin atası Alim Zülfüqarlı çıxışında şəhid Zeynal Zülfüqarlının qəhrəmanlığından söz açdı. Daha sonra tədbirin təşkilatçılarına öz təşəkkürünü bildirdi.
