“Azergold” QSC daxili bazarda qızıl satışını dayandırıb.
 
QSC aprelin 1-də rəsmi səhifəsindən həm külçə, həm də sikkə formasında satılan məhsulları yığışdırıb. Gümüş məhsullarının isə satışı davam edir. Bununla belə, dövlət şirkəti məsələ ilə bağlı hər hansı açıqlama verməyib.
 
Bununla belə, satışın dayandırılmasının qlobal bazarlarda qızılın qiymətinin kəskin artması ilə bağlı ola biləcəyi ehtimal edilir. Belə ki, son bir neçə gündə qızılın qiyməti 100 dollardan çox bahalaşıb. Aprelin 1-nə isə birjalarda hətta 3176 dollara qədər yüksəlib.
 
Qeyd edək ki, “Azergold” 2 qramdan 2 unsiyaya qədər müxtəlif ölçülərdə yerli istehsal olan qızıl külçə və sikkələrin satışını həyata keçirir. // Yenisabah