SON DƏQİQƏ
XalqXeber.Az » Cəmiyyət » Sevgilisini döyən Elvin Məmişzadənin başı dərddə: işə polis qarışdı

Sevgilisini döyən Elvin Məmişzadənin başı dərddə: işə polis qarışdı

Tarix:

18-07-2017, 15:36

/ 192 168 dəfə oxundu.
Sevgilisini döyən Elvin Məmişzadənin başı dərddə: işə polis qarışdı

Boks üzrə dünya çempionu Elvin Məmişzadənin gecə klublarından birində bir xanımı döyməsi barədə məlumatlar yayılıb. İdmançının özü də xəbəri təsdiqləyib və bildirib ki, xanımla mübahisəsi olub, lakin onu döyməyib. Bəs əslində, nə baş verib?

Bununla bağlı Daxili İşlər Nazirliyinin Mətbuat Xidmətindən bildirilib: “Təəssüf ki, belə bir fakt qeydə alınıb. Belə ki, Z.Orucova soyadlı gənc qadın Səbail RPİ-nin 39-cu Polis Bölməsinə ərizə ilə müraciət edərək iyulun 16-da saat 4.00 radələrində gecə klublarından birində olarkən tanışı Elvin Məmişzadənin onu başından vurması nəticəsində burun nahiyəsindən xəsarət aldığını bildirib”.

Nazirlikdən bildirilib ki, vətəndaşın rəsmi müraciəti əsasında toplanmış material üzrə Cinayət Məcəlləsinin 221.1-ci (Xuliqanlıq) maddəsi ilə cinayət işi qaldırılaraq icraata verilib. Əlavə olunur ki, hazırda zəruri istintaq tədbirləri aparılır.

O ki qaldı Elvin Məmişzadənin həbs edilib-edilməməsinə dair məsələyə, Mətbuat Xidmətindən verilən məlumata görə, bu, işin hallarından asılıdır. Yəni istintaqın gedişində zərurət yaranacağı halda bu məsələ üzrə də qanuni qərar qəbul ediləcək.

Şərhlər

XƏBƏR LENTİ