XalqXəbər.Az

www.XALQXEBER.az » Sosial » Fuad Əhmədliyə hökm oxundu: 4 il həbs

Fuad Əhmədliyə hökm oxundu: 4 il həbs

Fuad Əhmədliyə hökm oxundu: 4 il həbs
16-06-2017, 12:59

Bu gün Bakı Ağır Cinayətlər Məhkəməsində Azərbaycan Xalq Cəbhəsi Partiyasının (AXCP) üzvü Fuad Əhmədlinin cinayət işi üzrə məhkəmə prosesi keçirilib.

Hakim Fikrət Qəribovun sədrliyi ilə keçirilən prosesdə F. Əhmədlinin vəkili Əsabəli Mustafayev çıxış edib. Vəkil bəraət hökmünün çıxarılmasını istəyib.

Fuad Əhmədli bildirib ki, hər hansı cinayət törətməyib.

Hökmə əsasən, F. Əhmədli 4 il müddətinə azadlıqdan məhrum edilib

Qeyd edək ki, Fuad Əhmədli 2016-cı il avqustun 18-də saxlanılıb. Fuad Əhmədlinin mənzilində axtarış zamanı Fətullah Gülənin çıxışlarının olduğu kitablar, CD-lər tapılıb. Fuad Əhmədli Cinayət Məcəlləsinin 302-ci (əməliyyat-axtarış fəaliyyəti üzrə qanunvericiliyi pozma) və 308-ci (vəzifə səlahiyyətlərindən sui-istifadə) maddələri ilə ittiham edilib.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.