XalqXəbər.Az

www.XALQXEBER.az » Sosial » Nərimanov rayonunda “Humanitar dərs” layihəsinin bağlanış mərasimi keçirilib

Nərimanov rayonunda “Humanitar dərs” layihəsinin bağlanış mərasimi keçirilib

Nərimanov rayonunda “Humanitar dərs” layihəsinin bağlanış mərasimi keçirilib
15-06-2017, 10:15

10 iyun 2017-ci il tarixdə Azərbaycan Turizm və Menecment Universitetində Azərbaycan Respublikası Prezidenti yanında Qeyri Hökümət Təşkilatlarına Dövlət Dəstəyi Şurasının maliyyə dəstəyi, Nərimanov Rayon Gənclər və İdman İdarəsi və “Yeni Gələcək” Gənclərin Maarifləndirməsi İctimai Birliyinin birgə təşkilatçılığı ilə “Humanitar dərs” - gənclərin mədəniyyətin inkişafına dəstək təşəbbüsləri layihəsinin son təlimi və bağlanış mərasimi keçirilib.
Bağlanış mərasimində Nərimanov Rayon Gənclər və İdman İdarəsinin aparıcı məsləhətçisi Vüsal Ömərov, “Yeni Gələcək” Gənclərin Maarifləndirməsi İctimai Birliyinin baş katibi Ləman Muradova, “Mənim təhsilim, mənim gələcəyim” kampaniyasının rəhbəri Rəşad Bayramov və 40 nəfər fəal gənc iştirak etmişlər.
İlk öncə qonaqları salamlayan "Yeni Gələcək" Gənclərin Maariflləndirilməsi İctimai Birliyinin baş katibi Ləman Muradova tədbirin mahiyyəti və gənclər üçün faydası barədə danışıb, gənclər arasında, xüsusən tələbələrin fəaliyyətini səmərəli artırmaq üçün mədəniyyətlə bağlı fikirlərini öyrənmək kimi məsələlərlə bağlı məlumat vermişdir. L.Muradova layihənin əhəmiyyəti və məqsədi haqqında geniş məlumat verərək bildirdi ki, layihənin əsas məqsədi ali məktəblərdə tələbələr arasında mədəniyyət fəaliyyətində humanitar təşəbbüslər anlayışını aşılamaqdır. Təlimlərin KİV-də işıqlandırılması, yazılacaq inşalar, keçiriləcək sorğular layihənin məqsədini və vəzifəsini tamamlayacaq.
Sonra “Mənim təhsilim, mənim gələcəyim” kampaniyasının rəhbəri, layihənin təlimçisi Rəşad Bayramov bu kimi tədbirlərin həm gənc nəslin bilik və bacarıqlarının artırlmasındakı əhəmiyyətindən danışıb, həm də Azərbaycan Respublikası Prezidenti yanında Qeyri Hökümət Təşkilatlarına Dövlət Dəstəyi Şurası gənclərə dəstək verməklə ölkəmizdə gənclərin potensialının üzə çıxarılmasının müsbət əhəmiyyətini, onların bilik və bacarıqlara yiyələnməsi baxımından önəmini qeyd etmişdir. R.Bayramov bildirmişdir ki, gənclər arasında, xüsusən tələbələrin fəaliyyətini səmərəli artırmaq üçün mədəniyyətlə bağlı fikirlərini öyrənmək lazımdır. Bəzən, tələbələr universiteti bitirdikdən sonra özlərinin humanitar fəaliyyətlərini müəyyənləşdirə bilmirlər. Mədəniyyət anlayışının aşılanması və davamlı olaraq ölkə mədəniyyətində fəallıq göstərmək universitet tədrisindən uzaqdır. Bunu həm də, nəzəri olaraq tədris etmək uğursuz olduğu üçün, qeyri-formal metodlardan istifadə etmək daha uyğundur. Tələbə şəxsi karyera qurmağı daha çox düşünür. Milli kimlik anlayışının formalaşması mədəniyyətə daha çox bağlıdır. Tələbəlik dövrü bitəndən sonra, iş fəaliyyətində humanitar təşəbbüslər vacibdir.
Daha sonra təlimçi gəncləri maraqlandıran sualları cavablandırmışdır.
Sonda layihə çərçivəsində gənclər arasında keçirilmiş “Humanitar dərs” - gənclərin mədəniyyətin inkişafına dəstək təşəbbüsləri adlı inşa müsabiqəsinin qalibləri təşkilatçılar tərəfindən müxtəlif dərəcəli diplom və medallar ilə təltif olunmuşlar.
Qeyd etmək istərdik ki, layihə zamanı gənclərlə 10 görüş həyata keçirilib: “Təfəkkür” Universiteti, “Odlar Yurdu” Universiteti, “Bakı Avrasiya” Universiteti, Azərbaycan Dövlət Bədən Tərbiyəsi və İdman Akademiyası, Azərbaycan Kooperasiya Universiteti, Azərbaycan Dövlət İqtisad Universiteti, Bakı Humanitar Kolleci, Bakı Biznes və Kooperasiya Kolleci, Yeni Azərbaycan Partiyası Nərimanov Rayon Təşkilatı və Azərbaycan Turizm və Menecment Universiteti. Nərimanov rayonunda “Humanitar dərs” layihəsinin bağlanış mərasimi keçirilib
Nərimanov rayonunda “Humanitar dərs” layihəsinin bağlanış mərasimi keçirilib
Nərimanov rayonunda “Humanitar dərs” layihəsinin bağlanış mərasimi keçirilib
Nərimanov rayonunda “Humanitar dərs” layihəsinin bağlanış mərasimi keçirilib

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.