Ölkədə qiymət artımı gündən-günə yüksələn xətt üzrə gedir. Reportyor.info-nun əməkdaşının müşahidələrinə görə, Novruz bayramı ərəfəsində marketlərdə ərzaq məhsullarının qiyməti daha da bahalaşır.
Adətən bayramqabağı bazarlarda, yarmarkalarda, marketlərdə endirimlər, kampaniyalar təşkil olunur, qida məhsullarının qiyməti nisbətən ucuzlaşır.
Amma bu tendensiya Azərbaycana şamil deyil. Hazırda bazarlarda qiymətlər “od tutub yanır”.
Müxbirimizin sözlərinə görə, əsasən “Azərsun” holdinqin gündəlik tələbat məhsullarının qiymətində ciddi artım müşahidə olunur.
Məsələn, “Bizim Tarla” əmtəə nişanlı məhsullar, “Final” və “Möcüzə” yağları, düyülər və s. qidaların qiyməti bahalaşıb.
Əməkdaşımız bildirir ki, yaşıl noxud 2, 59 manat, yağ 4-5 manat, 4-6 manat məbləğindədir.
Həmçinin, “Azərçay, “Azərsüd”, “Berqa”, şəkər, duz, konserv məhsullar, şokolad yağlarının qiyməti artıb. Bütün bunlara görə nə İqtisadiyyat Nazirliyi yanında Antiinhisar Xidməti araşdırma aparır, nə süni qiymət artımı barədə mübarizədə ciddi tədbirlər görülür, nə “Azərsun”dan hesabat soruşulur, nə də holdinq özü qiymət artımına getməsinin səbəblərinə əsaslı şəkildə iqtisadi aydınlıq gətirir. O zaman xalqa və Prezidentə qarşı bu sabotajın adı nədir?