Bakının “Sovetski” məhəlləsinin 100-dən çox sakini Yasamal Rayon İcra Hakimiyyətinin qarşısına toplaşıb.

Reportoyor.info-nun hadisə yerində olan müxbirinin verdiyi məlumata görə, sakinlər icra başçısı Elşad Həsənovla görüş tələb edirlər. Onların sözlərinə görə, evlərinin sökülməsi ilə bağlı kompensasiyaların ödənişində ədalətsizliyə yol verilib, torpaq sahələri hesablanmayıb, əksər vətəndaşlar ev ala bilməyiblər, kirayələrdə yaşayırlar.

Sakinlər Maliyyə Nazirliyinin, bu iş üzrə Yasamal İH-də yaradılmış komissiyanın haqsızlığa yol verdiyini, əmlak bazarındakı qiymətlərə uyğun olmayan təzminat verildiyini bildiriblər. Aksiya iştirakçıları icra başçısı E.Həsənovun onları qəbul etmədiyini, dəfələrlə müraciət etsələr də, laqeydlik göstərdiyini bildirirlər.