XalqXəbər.Az

XalqXeber.Az » Sosial » 11 mindən çox şəhid ailəsi və müharibə əlili evlə təmin ediləcək

11 mindən çox şəhid ailəsi və müharibə əlili evlə təmin ediləcək

11 mindən çox şəhid ailəsi və müharibə əlili evlə təmin ediləcək
25-02-2021, 15:04

2021-2025-ci illərdə ev şəraitinin yaxşılaşdırılmasına ehtiyacı olan 11 mindən çox şəhid ailəsi və müharibə əlili mənzil, fərdi evlə təmin ediləcək.

Bu barədə bu gün Bakının Ramana qəsəbəsindəki yaşayış kompleksində şəhid ailələri və müharibə əlillərinə mənzillərin təqdim olunması mərasimində bildirilib.

Məlumat verilib ki, bu, Prezident İlham Əliyevin bu ilin yanvarında imzaladığı Sərəncamla təsdiq olunmuş proqramlara əsasən təmin ediləcək.

Qeyd edək ki, bu gün Bakının Ramana qəsəbəsində şəhid ailələri və müharibə əlillərinə mənzillərin təqdim olunması mərasimi keçirilib. Azərbaycan Prezidenti İlham Əliyev mərasimdə iştirak edib.

Ramana qəsəbəsində şəhid ailələri və müharibə əlilləri üçün doqquzmərtəbəli 30 bina tikilib. Ümumilikdə 1512 mənzildən ibarət kompleks bütün zəruri sosial infrastrukturla təchiz edilib. Ərazidə məktəb, uşaq bağçası, klub-icma mərkəzi inşa olunub.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.