Sosial şəbəkələrdə 106 nömrəli məktəbdə 8 Marta pul yığılması ilə bağlı "bəyannamə"nin hazırlanmasına dair fotolar yayılıb.

Yayılan fotolarda "bəyannamə"nin 11-si siniflər üçün nəzərdə tutulduğu və bir neçə bənddən ibarət olduğu görünür. Belə ki, "bəyannamə"də qeyd olunub ki, bu il sonuncu ildir və buna görə də müəllimləri təbrik etmək lazımdır. Bununla yanaşı, qiymət bu il daha yüksək, minimum 100 manat olmalı, pul verilməzsə 5 Oktyabrda olduğu kimi müəllimlər şagirdlərin qiymətini kəsəcəklər və s. kimi maddələr "bəyannamə"də öz əksini tapıb.

İddialara görə, "bəyannamə" müəllimlər tərəfindən hazırlanıb. Fotolarda "bəyannamə"nin 18 fevral 2021-ci il tarixində tərtib olunduğu qeyd olunub.

yeniavaz.com