SON DƏQİQƏ
XalqXeber.Az » Sosial » "Bizim qazları kəsib, harda parnik var o kəndlərə verirlər” - Vətəndaş “Azəriqaz”dan şikayət edir

"Bizim qazları kəsib, harda parnik var o kəndlərə verirlər” - Vətəndaş “Azəriqaz”dan şikayət edir

Tarix:

19-02-2021, 12:32

/ 644 dəfə oxundu.
"Bizim qazları kəsib, harda parnik var o kəndlərə verirlər” - Vətəndaş “Azəriqaz”dan şikayət edir

Ölkədə demək olar ki, ən çox şikayət edilən qurumlardan biridir –“Azəriqaz”. Həm sayğaclaşma ilə bağlı problemlər, həm sərfiyyatdan daha çox pul yazılması, həm qazın təzyiqinin aşağı olması, həm də ümumiyyətlə bəzi bölgələrdə qaz təchizatındakı çatışmazlıqlar, vətəndaşların bu qurumdan narazılığını pik həddə çatdırıb.

KONKRET.az-ın redaksiyasına “Azəriqaz” İstehsalat Birliyinin fəaliyyətindən növbəti şikayət daxil olub. Xəyalə Dadaşova adlı şikayətçi bildirib ki, qış fəsli daxil olandan bu günə qədər Salyanın Arbatan kəndinə demək olar ki, qaz verilməyib: “Salyan rayon Qaz İstismarı İdarəsi qış girəndən Arbatan kəndinə demək olar ki qaz verməyib. Zəng vuranda da deyirlər ki, iş gedir. Camaatın evində xəstə uşağı, yaşlı qocası var. Bu soyuqda milləti qazsızlıqdan qırırlar. Bizim qazları kəsib, harda parnik var o kəndlərə verirlər. Bu qədər özbaşınalıq olar”?

Vətəndaş açıq suallar verməyə davam edir: “Qaz idarəsinə görəsən kimsə dur deyəcək? Belə zülm etmək olar millətə? Ayıb olsun onlara. Camaat soyuqdan donur. Onlarsa artıq pul alırlar deyə harda parnik var ora qaz verirlər. Dəhşətdi”!

Mətbuatda yayılan iddialara görə, Salyanda “Azəriqaz” İstehsalat Birliyinin sədr müavini Cahid Hüseynova məxsus “istixanalar” mövcuddur. Vətəndaşın iddiasına inansaq bəzi kəndlərdə qaz təchizatı dayandırılaraq, məhz həmin istixanaların yerləşdiyi kəndlərə verilir.

P.S. Şikayətlə bağlı adıçəkilən qurumların mövqeyini dərc etməyə hazırıq.

Şərhlər

XƏBƏR LENTİ