Bakıda qəza zamanı vətəndaş yaralanıb. Hadisə yerinə gələn təcili yardım maşını yaralı vətəndaşı xəstəxanaya aparmaqdan imtina edib. Maraqlısı ondadır ki, buna görə heç bir əsas göstərilməyib. Ətrafdakıların təzyiqindən sonra təcili yardım əməkdaşları yaralı şəxsi xərəyə qoyaraq maşına mindiriblər. Bəzi vətəndaşlar isə YPX əməkdaşına təzyiq göstərərək yaralı şəxsə yardım etməyini tələb edib. Ancaq YPX əməkdaşı yaralını xəstəxanaya çatdırmaq səlahiyyətində olmadığını bildirib. YPX əməkdaşı yolu tənzimləməli, hadisə yerindəki vəziyyətə nəzarət etməlidir. Təcili Yardım Stansiyasından bizə bildirilir ki, təcili tibbi yardım maşını heç bir halda yaralı şəxsi xəstəxanaya aparmaqdan imtina edə bilməz. Yalnız vəziyyəti yüngül olduqda ilkin tibbi yardım göstərilir və evə buraxılır.