XalqXəbər.Az

www.XALQXEBER.az » Sosial » "Azərişıq"dan sərtləşdirilmiş karantin günləri ilə bağlı AÇIQLAMA

"Azərişıq"dan sərtləşdirilmiş karantin günləri ilə bağlı AÇIQLAMA

"Azərişıq"dan sərtləşdirilmiş karantin günləri ilə bağlı AÇIQLAMA
21-12-2020, 16:42

Azərbaycan Respublikası Nazirlər Kabinetinin 2020-ci il 8 dekabr tarixli 488 nömrəli Qərarına əsasən Covid-19 Pandemiyası ilə əlaqədar Xüsusi Karantin Rejiminin 14 dekabr 2020-ci il tarixindən 18 yanvar 2021-ci il tarixinədək sərtləşdirilməsi ilə bağlı “Azərişıq” ASC qarşıdakı günlər ərzində gücləndirilmiş iş rejimini davam etdirəcəyi barədə açıqlama yayıb.

“Azərişıq” ASC-nin açıqlamasında bilririlir:

"Pandemiya dövründə istehlakçılar bildirişləri sistem vasitəsilə risksiz əldə edə bilər, habelə, ödənişləri onlayn qaydada, evdən çıxmadan bir toxunuşla həyata keçirmək imkanı var. Elektron bildirişlər və enerji sərfiyyatına görə yaranan borclar elektron poçt və SMS vasitəsilə göndəriləcəkdir. Təlimat linkdə; (elektron bildiriş və online ödəniş)

Əlavə olaraq qeyd etmək istərdik ki, “SMART” sayğaclarla təchiz edilmiş abonentlərə "card reader"lər təqdim olunub. Hazırda pandemiya dövrüdür və bu bir daha onlara şərait yaradacaq ki, evdən çıxmadan həmin qurğu vasitəsi ilə hesablarına pul əlavə etsinlər".

Xüsusi karantin dövründə ödəmə məntəqələrinin və müxtəlif ödəniş şirkətlərə aid terminalların bağlı olması səbəbi ilə istehlakçılarımızın SMART kart sayğaclarının balansının artırılması problemi yaranmışdır. Layihədə istehlakçılarımız sadə bir qurğu əldə etməklə evdən internet vasitəsilə smart kart sayğac balansını artıra bilərlər.

Abunəçilər bu cihazları "ASAN kommunal" və "ASAN xidmət" mərkəzlərindən ödəniş etməklə əldə edə bilərlər.
İstehlakçıların dayanıqlı və keyfiyyətli elektrik enerjisi ilə təmin olunması üçün Qəza xidmətləri minumum işçi sayı ilə öz vəzifələrini icra edir. Abonentlərimizdən xahiş edirik ki, hər hansı bir qəza halı yaranarsa 24 saat fasiləsiz fəaliyyət göstərən 199 Çağrı mərkəzi ilə əlaqə saxlasınlar.
"Azərişıq"dan sərtləşdirilmiş karantin günləri ilə bağlı AÇIQLAMA

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.