XalqXəbər.Az

www.XALQXEBER.az » Sosial » "Madeyra" müştərilərdə narazılıq yaradır... - GİLEY

"Madeyra" müştərilərdə narazılıq yaradır... - GİLEY

"Madeyra" müştərilərdə narazılıq yaradır... - GİLEY
11-09-2020, 12:10

Azərbaycanda mebel istehsalı və satışı ilə məşğul olan “Madeyra” şirkəti müştərilərinə göstərdiyi xidmətin keyfiyyətini aşağı salıb.

FED.az xəbər verir ki, bu “xidmətlər” özünü müştərinin sifariş etdiyi məhsulların gec çatdırılmasında, eləcə də sifariş edilən məhsulların içərisində bəzi hissə və detalların olmamasında göstərir.

Araşdırma nəticəsində məlum olub ki, şirkət sifarişləri gec çatırmasında əsas səbəb anbarının yerini dəyişməsi olub. Belə ki, şirkət “Dərnəgül”də “Zəngəzur restoranın arxasında yerləşən anbarının yerini dəyişərək həmin ərazidə yerləşən Aydınoğlu şirkətinin anbarına köçür. Məhz bu səbəbdən madeyraya məxsus əksər yük avtomobilləri köçürmə işlərinə cəlb edilib.
Redaksiyamıza şikayətlə müraciət edən müştəri bildirir ki, “Madeyra”nın Binəqədi r-nu, 9-cu mkr, Mir Cəlal küç., 11c ünvanında yerləşən mağazadan 29.08.2020-ci il tarixində iki ünvan üzə məhsul (şkaf və çarpayı) sifariş edib. Məhsullar gec çatdırılması ilə yanaşı, onların hissələrində də çatışmazlıq olub.

Müştəri qeyd edir ki, bununla bağlı “Madeyra”nın müştəri xidmətlərinə rəsmi ([email protected][email protected]) müraciət etsə də müraciəti cavabsız qalıb.

Qarşı tərəfin mövqeyini dərc etməyə hazırıq.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.