SON DƏQİQƏ
XalqXeber.Az » Sosial » Smart sayğaclar mexaniki sayğaclarla niyə əvəzlənir? – “Azəriqaz”a SUALLAR

Smart sayğaclar mexaniki sayğaclarla niyə əvəzlənir? – “Azəriqaz”a SUALLAR

Tarix:

7-09-2020, 13:20

/ 1 308 dəfə oxundu.
Smart sayğaclar mexaniki sayğaclarla niyə əvəzlənir? – “Azəriqaz”a SUALLAR

"Ötən ildən “Azəriqaz” smart tipli sayğaclardan istifadəni dayandırıb. Bakıdakı 2 milyona yaxın əhali abonentlərin smart tipli sayğacları tədricən mexaniki qaz sayğacları (Zenner G-4, və Natek G-4,) ilə əvəz olunur”.

Cebhe.info xəbər verir ki, bu barədə Neftçilərin Hüquqlarını Müdafiə Komitəsinin rəhbəri Mirvari Qəhrəmanlı bildirib.

O deyib ki, mexaniki sayğaclar 2018-ci ilin sonundan alınmağa başlanıb: “Mütəxəssislər bu sayğacları keyfiyyətsiz hesab edirlər. Bu halda bir neçə suala cavab almaq istərdim:

8 il bundan öncə çox baha qiymətə (220-250 AZN) aldığınız smart tipli sayğacı niyə yenidən mexaniki sayğacla (60-65 AZN) əvəz edirsiniz? İstismar müddəti qurtarıbsa, niyə yenidən smart tipli sayğacla əvəz etmirsiniz?

Baha və keyfiyyətsiz idisə, niyə alırdınız? Məqsəd? Mexaniki sayğaclar smart tipli sayğaclarla əvəz olunanda 2000-dək insanı işdən azad etdiniz. İxtisar etmədiniz, həmişəki kimi həmkarlar təşkilatının köməyi ilə razılaşma sənədinə qol çəkdirməklə onları yola saldınız. Bu sənədə qol çəkən işçi 5 aylıq kompensasiya alıb, öhdəlik götürür ki, gələcəkdə SOCAR və onun tərəfdaşlarının vakant yerlərlə bağlı elan etdiyi müsabiqələrdə iştirak etməsin. İşçilərin hər biri bu cümləni oxumadan qol çəkiblər”.

Şərhlər

XƏBƏR LENTİ