XalqXəbər.Az

www.XALQXEBER.az » Sosial » Sabiq deputatın qardaşı 40 min manatlıq tenderin qalibi oldu - İcazə verin, şübhələnək...

Sabiq deputatın qardaşı 40 min manatlıq tenderin qalibi oldu - İcazə verin, şübhələnək...

Sabiq deputatın qardaşı 40 min manatlıq tenderin qalibi oldu - İcazə verin, şübhələnək...
26-08-2020, 11:41

Azərbaycan Milli Antidopinq Agentliyi (AMADA) tərəfindən keçirilən tender müsabiqəsinin qalibi məlum olub.
Yeniavaz.com xəbər verir ki, tender müsabiqəsinin (kotirovka sorğusu) qalibi “Peachline” MMC olub. Milli Antidopinq Agentliyi “Beynalxalq fəaliyyət ilə bağlı dizayn işləri” üçün “Peachline” MMC-yə 39 min 875 manat 74 qəpik ödəyəcək.
Məlumat üçün bildirək ki, tender müsabiqəsinin qalibi olan “Peachline” MMC 19.01.2009-cu ildə dövlət qeydiyyatına alınıb. Nizamnamə kapitalı 20 manat olan MMC-nin hüquqi ünvanı “Nəsimi rayonu, Nizami, ev 121, m. 16” olaraq qeyd olunub. MMC-nin qanuni təmsilçisi Fətiyev Elruz Nuru oğludur. Elruz Fətiyev eyni zamanda “Baku Hospitality Group” MMC-nin də qanuni təmsilçisidir.
Məlumat üçün bildirək ki, Elruz Fətiyev sabiq millət vəkili, “Gəncə Avtomobil Zavodu” İstehsalat Birliyinin Müşahidə Şurasının sədri və eyni zamanda da Azərbaycan Üzgüçülük Federasiyasının prezidenti olan Xanlar Fətiyevin qardaşıdır.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.