XalqXəbər.Az

www.XALQXEBER.az » Sosial » "Məşğulluq idarəsi onları qeydiyyata almır" - Deputat ƏƏSMN-i tənqid etdi

"Məşğulluq idarəsi onları qeydiyyata almır" - Deputat ƏƏSMN-i tənqid etdi

"Məşğulluq idarəsi onları qeydiyyata almır" - Deputat ƏƏSMN-i tənqid etdi
5-08-2020, 15:55

“Son illər ölkədə əhalinin sosial müdafiəsinin gücləndirilməsi ilə bağlı xeyli proqramlar hazırlanıb. Ancaq biz sənədlərdən daha çox onların praktikada necə yerinə yetirilməsi ilə maraqlanmalıyıq”.

Bunu Milli Məclisin deputatı Sabir Rüstəmxanlı parlamentin bu gün keçirilən növbədənkənar sessiyasının iclasında “Məşğulluq haqqında” qanuna dəyişiklik layihəsinin müzakirəsi zamanı deyib.

Onun sözlərinə görə, qanuna dəyişiklik layihəsi məşğul əhalinin sayının artırılmasına hesablanmalıdır: “Mənə deputat seçildiyim rayondan edilən müraciətlərdə onlarla insan qeyd edir ki, məşğulluq idarəsi onları qeydiyyata almır. Bu işdə qeydiyyatın elektronlaşması da müsbətdir, amma rayon yerində bir çox insan bunu edə bilmir. Bu qanun layihəsinə təklif edilən dəyişikliklə bir çox bürokratik əngəllər aradan qaldırılır. Ancaq bu dəyişikliklə yenə də əhalinin müəyyən qismi diqqətdən kənar qalacaq. Rayonlarda müvafiq qurumlarda çalışan insanların münasibəti əhalinin dövlətə münasibətinə təsir göstərir. Burada ciddi işlərə ehtiyac var. İşləməyən məşğul olmayan əhalinin dəqiq statistikası aparılmalıdır”.

Report

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.