XalqXəbər.Az

www.XALQXEBER.az » Sosial » Kəmaləddin Heydərovun 400 min manatdan çox borcu var

Kəmaləddin Heydərovun 400 min manatdan çox borcu var

Kəmaləddin Heydərovun 400 min manatdan çox borcu var
20-06-2020, 12:48

Vaxtilə Fövqəladə Hallar Naziri Kəmaləddin Heydərovun ailə üzvlərinə məxsus olan və əsasən “Gilan” adı ilə fəaliyyət göstərən şirkətlərin dövlət büdcəsinə böyük həcmdə vergi borcları var.
Kəmaləddin Heydərovun ailə üzvlərinə məxsus olan və əsasən “Gilan” adı ilə fəaliyyət göstərən 11 şirkətin dövlət büdcəsinə ümumilikdə 407 min 783 manat 38 qəpik borcu var.
Ən böyük borc “Gilan-Beton” MMC-yə məxsusdur. Bu şirkətin vergi borcu 305 min 125 manat 4 qəpik təşkil edir.

Şirkətin adı Hüquqi ünvanları Vergi borcu
1 “Gilan-Beton” MMC N. Nərimanov pr., ev 206, məh. 466 305 125,04
2 “Gilan Plastik” MMC Z. Əliyeva, ev 38, m. 74 41 947,15
3 “Gilan” MMC N. Nərimanov pr., ev 206, məh. 466 39 239,58
4 “Gilan Servis” MMC Z. Əliyeva, ev 38, m. 24 6 055,03
5 “Qəbələ Atıcılıq Klubu” MMC Z. Əliyeva, ev 38, m. 74 5 394,65
6 “Gilan-Construction Group” MMC N. Nərimanov pr., ev 206, məh. 466 5 390,88
7 “Alten Group” MMC N. Nərimanov pr., ev 206, məh. 466 4 534,54
8 “Gilan Satış” MMC Z. Əliyeva, ev 38, m. 24 124
9 “Gilan Zeytun” MMC Z. Əliyeva, ev 38, m. 24 15,78
10 “Gilan İdman Klubu” MMC Z. Əliyeva, ev 38, m. 74 6,55
11 “Gilan Tech” MMC N. Nərimanov pr., ev 206, məh. 466 5,18

Məlumat üçün bildirək ki, adları qeyd olunan şirkətlərin Fövqəladə Hallar naziri Kəmaləddin Heydərova məxsus olması barədə bugünə kimi mətbuatda çoxsaylı məlumatlar yer alıb. Kəmaləddin Heydərovun övladları Tale və Nicat Heydərovlar da adları qeyd olunan şirkətlərin rəhbərliyində yer alıblar. Tale Heydərov vaxtı ilə ölkənin ən böyük holdinqlərindən birinin - "GİLAN Holdinq"in rəhbərliyində təmsil olunub. Tale Heydərov "GİLAN Holdinq"in tərkibində yer alan "Qəbələ" Futbol Klubunun prezidenti, həmçinin İngiltərədə qeydiyyatdan keçən "United Enterprises International" şirkətinin rəhbəri olub. Lakin, son illər "GİLAN Holdinq"ə daxil olan bəzi şirkətlər rəsmi şəkildə fəaliyyətini dayandırdığını bəyan edib. Tale Heydərova məxsus "taleheydarov.com" saytında qeyd olunur ki, onun biznesinə hazırda "TEAS Nəşriyyat evi", "Libraff" kitab mağazaları şəbəkəsi və illik təhsil haqqının 12-15,5 min manat olduğu "Avropa Azərbaycan Məktəbi" daxildir. Kəmaləddin Heydərovun digər oğlu Nicat Heydarov "linkedin" sosial şəbəkəsindəki hesabında özünü "GİLAN Holdinq"in rəhbəri (CEO) kimi təqdim edir. Nicatın adına İngiltərədə qeyydiyyatda olan "United Enterprises International" şirkətinin rəhbərləri arasında rast gəlmək olar. Bu şirkətin azərbaycandakı təmsilçiliyinin rəhbəri isə hal-hazırda da Tale Heydərovdur. Vaxti ilə İngitərədə "GİLAN Holdinq"in biznes maraqlarını təmin edən bu şirkətin hazırda rəsmi veb-səhifəsi - "ueiholding.com" fəaliyyət göstərmir.

Hazırda aktiv şəkildə fəaliyyət göstərən və 5,4 min manata yaxın vergi borcu olan “Gilan-Construction Group” MMC-nin qanuni təmsilçisi isə İsmayılov Elvin İsmayıl oğludur. Bu şəxsin tərcümeyi halına baxıldığı zaman açıq şəkildə görülür ki, fəaliyyətinin böyük bir hissəsi FHN naziri Kəmaləddin Heydərovun yaxın ətrafında keçib. Gənclər və İdman nazirinin müavini İsmayıl İsmayılovun oğlu olan Elvin İsmayılov 2012-ci ildə (25 yaşında) Fövqəladə Hallar nazirinin idman məsələləri üzrə köməkçisi, 2014-cü ildə (27 yaşında) Fövqəladə Halların Xəbərdar Edilməsi və Daxili Təhlükəsizlik Baş idarəsinin rəis müavini olub. 2012-ci ildən bu günə qədər “Qəbələ” İdman Klubunda atıcılıq növləri üzrə vitse-prezidentdir.

Yeniavaz

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.