XalqXəbər.Az

www.XALQXEBER.az » Sosial » Bəhram Bağırzadənin vəziyyəti ilə bağlı RƏSMİ MƏLUMAT

Bəhram Bağırzadənin vəziyyəti ilə bağlı RƏSMİ MƏLUMAT

Bəhram Bağırzadənin vəziyyəti ilə bağlı RƏSMİ MƏLUMAT
16-06-2020, 12:04

Mərkəzi Gömrük Hospitalı bir xəstəyə tibbi müdaxilə zamanı çəkilən və sosial şəbəkələrdə yayılan videoda əksini tapan şəxsin əməkdar artist Bəhram Bağırzadə olması ilə bağlı iddialara münasibət bildirib.

Hospitalın Mətbuat xidmətindən bildirilib ki, görüntülərin tibb müəssisəsinə heç bir aidiyyəti yoxdur və Mərkəzi Gömrük Hospitalda çəkilməyib.

Qeyd edək ki, Azərbaycanın əməkdar artisti Bəhram Bağırzadə koronavirus infeksiyasına yoluxub. O, vəziyyətinin kəskin pisləşməsi səbəbindən əvvəl müalicə olunduğu xəstəxanadan iyunun 13-də Mərkəzi Gömrük Hospitalının reanimasiya şöbəsinə köçürülüb.

Əməkdar artistin 90%-dən çox ağciyər toxumasının zədələndiyindən onu ECMO cihazına qoşublar.

B.Bağırzadənin müalicəsi birbaşa Azərbaycanın Birinci vitse-prezidenti Mehriban Əliyevanın nəzarətindədir.

Xatırladaq ki, ECMO ekstrakorporal membran oksigenlənmə cihazı olub, ağciyər və ürək yerinə 2-3 həftə funksiya göstərərək, mövcud olan problemin həlli üçün həkimlərə vaxt qazandıran bir müalicə üsuludur.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.