Sumqayıt bulvarının yaxınlığında açınacaqlı mənzərə hökm sürür.

Bu barədə Qaynarinfo-ya şəhər sakinləri məlumat verib.

Redaksiyamıza təqdim olunan foto və videolardan da ərazi əməlli-başlı zibil poliqonuna çevirildiyi görünür.

Dənizin kənarındakı bu zibilxanada bulvarın uzadılması zamanı işlədilən tikinti materiallarının qalıqlarına, müxtəlif növ tullantılara, biçilmiş ot topalarına, daş parçalarına, bir sözlə hər cür zibil növünə rast əlmək olar. Zibil buraya maşınlarla, özü də heç də adi vətəndaşlar tərəfindən tökülmür.

Təbii ki, bütün bunlar ətraf mühitə ziyan vurur, ekologiyanı korlayır, antisanitariya şəraiti yaradır. Üstəlik bu ərazidən kanalizasiya suyu birbaşa dənizə axır. Bu cür mənzərə bulvarın simasına da xələl gətirir.