SON DƏQİQƏ
XalqXeber.Az » Sosial » Polis tərəfindən saxlanılarkən özünə xəsarət yetirən Xaçmaz sakini xəstəxanada ölüb

Polis tərəfindən saxlanılarkən özünə xəsarət yetirən Xaçmaz sakini xəstəxanada ölüb

Tarix:

28-05-2020, 12:19

/ 1 668 dəfə oxundu.
Polis tərəfindən saxlanılarkən özünə xəsarət yetirən Xaçmaz sakini xəstəxanada ölüb

"Mayın 27-də Xaçmaz Rayon Polis Şöbəsi əməkdaşlarının həyata keçirdiyi əməliyyat axtarış tədbirləri nəticəsində Xaçmaz şəhər sakini, əvvəllər məhkum olunmuş Mirəli Aydəmirovdan narkotik maddə olan heroin və metamfetamin götürülüb".

Daxili İşlər Nazirliyinin (DİN) Mətbuat Xidmətinin rəisi, polis polkovnini Ehsan Zahidov “Report”a açıqlamasında bildirib ki, saxlanılan şəxs polisdən yayınmaq məqsədilə saxlanılarkən özünü yerə çırpıb, baş və bədənini yerə vurub.

DİN rəsmisi qeyd edib ki, nəticədə M.Aydəmirov müxtəlif bədən xəsarətləri alıb.

E.Zahidov deyib ki, o, dərhal polis əməkdaşları tərəfindən Xaçmaz Rayon Mərkəzi Xəstəxanasına çatdırılıb: “Həkimlərin səyinə baxmayaraq Mirəli Aydəmirovun həyatını xilas etmək mümkün olmayıb və o, xəstəxanada dünyasını dəyişib. Hazırda faktla bağlı Xaçmaz Rayon Prokurorluğunda araşdırmalar aparılır”.

Şərhlər

XƏBƏR LENTİ