SON DƏQİQƏ
XalqXeber.Az » Sosial » ATV-nin Avropa müxbiri koronavirusa yoluxdu

ATV-nin Avropa müxbiri koronavirusa yoluxdu

Tarix:

31-03-2020, 18:49

/ 881 dəfə oxundu.
ATV-nin Avropa müxbiri koronavirusa yoluxdu

ATV kanalının Avropa bürosunun müxbiri Şahin Abasov koronavirus (COVİD- 19) epidemiyasına yoluxub.

Bu barədə “Bizimləsən” proqramında məlumat verilib. Verilişə görüntülü bağlanan kanalın əməkdaşı bildirib ki, özündə və 15 yaşlı qızında virus aşkarlanıb.

Hazırda o, Almaniyadakı evində karantin altında, həkimlərin nəzarətindədir.

“Çox təəssüf ki, artıq test nəticələrimiz müsbət çıxıb. Bundan sonra mənə tapşırıqlar verildi. Əsas şərt odur ki, evdən bayıra çıxmayaq. Martın 14-də qızımın ad günü idi. Kiçik bir yığıncaq etdik, bundan sonra qızım özünü pis hiss etməyə başladı. Hərarəti yüksək də deyildi. Bu, bir az bizi aldatdı. Bir-iki gün keçəndən sonra qoxu və dadbilməni itirdi. Artıq mən də özümdə halsızlıq hiss etdim, əzələlərim ağrıdı.

Hazırda qızımı psixoloji məqamlardan qoruyuruq. Artıq 9 gündür ki, özümüzü yaxşı hiss etmirik. Almaniyada virusa yoluxanların sayı çoxdur. Bizim kimi insanların xəstəxanaya yatırılması tezdir. Sadəcə olaraq ciddi tapşırıq verildi və yerinə yetirmədiyimiz halda 20 min avro cərimə olunacağıq", - deyə Ş.Abasov qeyd edib.

Şərhlər

XƏBƏR LENTİ