XalqXəbər.Az

www.XALQXEBER.az » Sosial » Bakıda körpə ölümü: həkimə ittiham – Foto

Bakıda körpə ölümü: həkimə ittiham – Foto

Bakıda körpə ölümü: həkimə ittiham – Foto
26-03-2020, 12:45

Bakıda qeysəriyyə əməliyyatından sonra uşaq vəfat edib.

Qafqazinfo xəbər verir ki, vətəndaş Qalib Salahov bildirib ki, qızı Ayşən Əfqanlı Gömrük Hospitalının həkimi Nərmin Muradovanın pasiyenti olub:

“Hamiləlik vaxtı bütün müayinə və doppler analizləri aparılmışdı. Bizə deyilmişdi ki, təbii doğuş aprelin 18-də olacaq. Amma martın ortasında həkim Nərmin Muradova qızıma deyib ki, apreldə mən Azərbaycanda olmayacağam, gəl indi əməliyyatla uşağı götürək. Amma uşağın əməliyyatla götürülməsi üçün heç bir tibbi səbəb olmayıb.

Martın 19-da Gömrük Hospitalında əməliyyat olunub və uşağın ağciyərləri açılmamış həkim onu götürüb. Buna görə də körpədə xəstəliklər yaranıb. Onu küvezə yerləşdirdilər və bu formada müalicəsinin davam etdirilməsi üçün bizdən 4 min manat istədilər.

O pulu verməyə imkanımız çatmadığı üçün uşağı OMD xəstəxanasəna köçürdük. Körpə əməliyyat vaxtı aldığı travmalara görə martın 23-də orada vəfat etdi. Mənim nəvəm həkimin acgözlüyü nəticəsində öldü. Məsələ ilə bağlı hüquq-mühafizə orqanlarına müraciət etmişəm, araşdırma aparılır”.
Bakıda körpə ölümü: həkimə ittiham – Foto

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.