SON DƏQİQƏ
XalqXeber.Az » Sosial » Oqtay Gülalıyevin vəziyyəti pisləşdi

Oqtay Gülalıyevin vəziyyəti pisləşdi

Tarix:

14-01-2020, 12:24

/ 996 dəfə oxundu.
Oqtay Gülalıyevin vəziyyəti pisləşdi

Yanvarın 10-da üçüncü dəfə əməliyyat olunan hüquq-müdafiəçisi Oqtay Gülalıyevin səhhəti pisləşib.

Bu barədə Qaynarinfo-ya yazar Zümrüd Yağmur məlumat verib. Onun sözlərinə görə, əməliyyatdan sonra Oqtay Gülalıyevin temperaturu yüksəlib:
"Amma bütövlükdə ümidverici bir şey yoxdur. Temperaturu yenə yüksəlib. Temperaturu salmaq bəlkə də problem olmayacaq. Problem sonrakı həyatıdır”.

Qeyd edək ki, Oqtay Gülalıyev yanvarın 10-da əməliyyat olunub. Əməliyyat zamanı onun başında yaranmış artıq suyun çəkilməsi üçün beyninin sağ tərəfinə şunt qoyulub.

Xatırladaq ki, hüquq müdafiəçisi Oqtay Gülalıyev noyabrın 19-da İstanbuldakı "Amerika Xəstəxanası”na köçürülüb.

O, oktyabrın 29-da avtomobil vurması nəticəsində ağır kəllə-beyin travması alıb. Həkimlər beyinə qansızma diaqnozu qoyublar. Noyabrın 5-də Birinci vitse-prezident Mehriban Əliyevanın tapşırığı ilə Oqtay Gülalıyev Türkiyəyə aparılıb.

Şərhlər

XƏBƏR LENTİ