SON DƏQİQƏ
XalqXeber.Az » Sosial » Dünya Bankının Azərbaycanda Məşğulluğa Dəstək Layihəsi üzrə görüləcək işlər müzakirə olunub

Dünya Bankının Azərbaycanda Məşğulluğa Dəstək Layihəsi üzrə görüləcək işlər müzakirə olunub

Tarix:

5-12-2019, 15:59

/ 741 dəfə oxundu.
Dünya Bankının  Azərbaycanda Məşğulluğa Dəstək Layihəsi üzrə görüləcək işlər müzakirə olunub

Əmək və Əhalinin Sosial Müdafiəsi Nazirliyi və Dünya Bankı arasında əməkdaşlıq özünüməşğulluq proqramını da əhatə etməklə, işsiz və işaxataran şəxslərin kiçik biznesə çıxışına imkan verən bu proqramın genişlənməsinə öz mühüm dəstəyini verəcək.
Bunu Əmək və Əhalinin Sosial Müdafiəsi naziri Sahil Babayev Dünya Bankının Cənubi Qafqaz üzrə Regional direktoru Sebastian Molineus və Dünya Bankının Azərbaycanda Məşğulluğa Dəstək Layihəsi üzrə ilkin qiymətləndirmə missiyası ilə görüşdə bildirib.
Prezident İlham Əliyevin tapşırıqlarına uyğun olaraq sosial sahədə aparılan köklü islahatlar, sosial müdafiə sisteminin gücləndirilməsi istiqamətində atılan mühüm addımlar barədə məlumat verən nazir aktiv məşğulluq proqramlarının ildən-ilə genişləndirildiyini deyib. O, ötən dövrdə nazirliklə Dünya Bankı arasında uğurlu əməkdaşlıq təcrübəsinin formalaşdığını qeyd edib. Birgə icra olunan layihələrin əmək, məşğulluq, sosial müdafiə sahələrində islahatlarda önəmini diqqətə çatdırıb.
S.Babayev Azərbaycanda Məşğulluğa Dəstək Layihəsinin özünüməşğulluq proqramının əhatə dairəsinin genişləndirilməsi, özünüməşğulluğun təmin edilməsi sahəsində beynəlxalq təcrübənin öyrənilməsi, nazirlik yanında Dövlət Məşğulluq Xidmətinin institisonal potensialının artırılması və s. işlərdə töhfəsini verəcəyini qeyd edib.
S.Molineus və qiymətləndirmə missiyasının üzvləri əməkdaşlıq müstəvisində aparılan işlərlə bağlı fikirlərini bölüşüblər. Görüşdə Dünya Bankının nazirliklə hazırki və gələcək əməkdaşlığına dair fikir mübadiləsi aparılıb, Azərbaycanda Məşğulluğa Dəstək Layihəsi üzrə görüləcək birgə işlər müzakirə olunub.

AZƏRBAYCAN RESPUBLİKASI
ƏMƏK VƏ ƏHALİNİN SOSİAL MÜDAFİƏSİ NAZİRLİYİNİN
İCTİMAİYYƏTLƏ ƏLAQƏLƏR VƏ KOMMUNİKASİYA ŞÖBƏSİ

Şərhlər

XƏBƏR LENTİ