XalqXəbər.Az

www.XALQXEBER.az » Sosial » Azərbaycan Texniki Universitetində “Karyerada ilk addım” adlı aktiv məşğulluq tədbiri keçirilib

Azərbaycan Texniki Universitetində “Karyerada ilk addım” adlı aktiv məşğulluq tədbiri keçirilib

Azərbaycan Texniki Universitetində  “Karyerada ilk addım” adlı aktiv məşğulluq tədbiri keçirilib
28-11-2019, 17:27

Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti və Azərbaycan Texniki Universitetinin birgə təşkilatçılığı ilə həmin Universitetin tələbə və məzunları üçün “Karyerada ilk addım” adlı aktiv məşğulluq tədbiri keçirilib.
Tədbirdə tələbə və məzunlara 62 müəssisədən, ümumilikdə 263 boş (vakant) iş yeri və təcrübə proqramları təklif olunub.
Gənclər işəgötürənlərə şəxsi məlumatlarını təqdim ediblər. İşəgötürənlərə isə müvafiq ixtisaslar üçün kadr seçimini aparmaq imkanı yaradılıb. Vakant iş yerlərinə göndərişlər verilməklə, təcrübə proqramlarına cəlb edilmək istəyənlərin qeydiyyatı aparılıb.
Dövlət Məşğulluq Xidmətinin nümayəndələri tərəfindən tələbə və məzunlara məşğulluq xidmətləri, aktiv məşğulluq tədbirləri, həmçinin özünüməşğulluq proqramı, peşə hazırlığı və əlavə təhsil kursları barədə məlumatlar verilib.
Cari il ərzində artıq 8 universitetdə “Karyerada ilk addım” adlı aktiv məşğulluq tədbiri keçirilib.

AZƏRBAYCAN RESPUBLİKASI
ƏMƏK VƏ ƏHALİNİN SOSİAL MÜDAFİƏSİ NAZİRLİYİNİN
İCTİMAİYYƏTLƏ ƏLAQƏLƏR VƏ KOMMUNİKASİYA ŞÖBƏSİ

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.