Araz Supermarketlər Şəbəkəsinin metronun “Neftçilər” stansiyası yaxınlığındakı mağazasından alınan paketlənmiş zirincin içindən paslı dəmir çıxıb.
Pravda.az xəbər verir ki, vətəndaş bu barədə sosial şəbəkədə məlumat yayıb.
“Zirincin paketini açdıqdan sonra birbaşa yemək qazanına əlavə edəcəkdim, yaxşı ki, qaşıqla götürmək ağlıma gəldi, yoxsa bu paslı dəmir qazana düşəcəkdi”- şikayətçi qeyd edib.
Araz Supermarketlər Şəbəkəsinin İctimaiyyətlə əlaqələr üzrə mütəxəssisi Billurə Əmirova məsələyə münasibət bildirib: “Bizi məlumatlandırdığınız üçün təşəkkür edirik. Təəssüf ki, belə halla qarşılaşmısınız. Məlumat üçün bildirim ki, bu məhsul “Ləziz çərəz” firmasına məxsusdur. Araz marketin daxilində icarə şərtləri ilə məhsullarının satışını həyata keçirirlər. Paketləmə də həmin şirkətə aiddir. Şikayətiniz əsasında, artıq tədarükçüyə məlumat verildi. Araşdırılır”.
