Təlimin aparıcılarından biri də Litvanın əmək nazirinin müavinidir
“Dövlət məşğulluq xidmətlərinin modernləşdirilməsində Əmək və Əhalinin Sosial müdafiəsi Nazirliyinə dəstək” tvinninq layihəsi çərçivəsində “Şəxsi keyfiyyətlərin təkmilləşdirilməsi” adlı təlimə başlanıb. İki günlük təlimin aparıcıları Litva Respublikasının əmək nazirinin müavini Egle Radisauskiene və ekspert Nijole Daldienedir.
Təlimdə nazirlik yanında Dövlət Məşğulluq Xidmətinin Bakı şəhəri üzrə Məşğulluq Mərkəzlərinin, Abşeron rayonu və Sumqayıt şəhər Məşğulluq Mərkəzinin direktorları, Bakı şəhər Məşğulluq Mərkəzinin və nazirliyin tabelyindəki Dayanıqlı və Operativ Sosial Təminat Agentliyinin əməkdaşları iştirak edir.
İştirakçılarla birgə komanda quruluşu, ünsiyyət və qrup fəaliyyəti, müzakirə bacarıqları, layihənin və vaxtın idarə edilməsi, sresslə mübarizə bacarığı kimi mövzular müzakirə edilir. Təlimin sonunda iştirakçılara sertifikatlar təqdim ediləcək.
AZƏRBAYCAN RESPUBLİKASI
ƏMƏK VƏ ƏHALİNİN SOSİAL MÜDAFİƏSİ NAZİRLİYİNİN
İCTİMAİYYƏTLƏ ƏLAQƏLƏR VƏ KOMMUNİKASİYA ŞÖBƏSİ
