Ukrayna azərbaycanlı qəhrəmanı ilə vidalaşıb.

Ukrayna KİV-nə istinadən xəbər veririk ki, Ukrayna ordusunda xidmət edən çavuş Sahib Atakişiyev Məhərrəm oğlu Donetsk vilayətində ATO (anti-terror əməliyyatı) dəstəsi ilə birgə keçirilən əməliyyat zamanı həlak olub. Onunla vidalaşmaq üçün hakimiyyət nümayəndələri, ATO-nun üzvləri və məktəblilər Svatova kəndində bir araya gəliblər. Kənd nümayəndəsi Sahib Atakişiyevin azərbaycanlı olmağına baxmayaraq, Ukraynaya bağlı olduğunu, onun uğrunda canından keçdiyini xüsusi qeyd edib və “Bizim əsgərimiz, torpaqda rahat yat. Biz həmişə səni yad edəcəyik” , - deyib.