Türkiyənin Milli Hidrometroloji Proqnozlar Bürosunun məlumatına görə, həftəsonu hava şəraiti kəskin dəyişəcək, yağış, qar yağacaq, temperatur aşağı düşəcək.

Bəzi bölgələrdə yağacaq qarın 20 santimetr təşkil edəcəyi proqnozlaşdırıb. Bəs görəsən, qonşu ölkədəki soyuq hava axını ölkəmizə təsir edəcəkmi?

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova bu haqda sualları cavablandırıb.

G.Məmmədovanın sözlərinə görə, həftəsonu üçün hələlik heç bir proqnoz vermək mümkün deyil:

“Hələlik ki, həftəsonu hava şəraitinin necə olacağı ilə bağlı heç bir açıqlama verə bilmərik. Yalnız 2-3 gün sonrakı hava şəraitini proqnozuna uyğun olaraq deyə bilərik ki, sabah və martın 15-də hava şəraitində kəskin dəyişiklik olmayacaq”.

Onun sözlərinə görə, yaxın iki gün ərzində əsasən yağmursuz hava şəraiti müşahidə ediləcək. Bəzi qərb və cənub rayonlarında yağmurlu hava şəraiti müşahidə olunacaq”.