Azərbaycanda həkimin yalnış əməliyyatına görə uşağın beyninə qan sızıb.

BiG.AZ xəbər verir ki, bunu Xəzər televiziyasında Xoşqədəm Hidayətqızının “Səni Axtarıram” verilişinə çıxan ana bildirib.

O bildirib ki, 2016-cı ilin noyabrında övladını Akademik M.A.Topçubaşov adına Elmi-Cərrahiyə Mərkəzində həkim Elnur Həsənovun yanına aparıb: “İki gündən sonra övladımı əməliyyat etdi. Uşağım 15 gün reanimasiyada qaldı. Hər dəfə Elnur həkimdən uşağın vəziyyətini soruşanda gah dedi yaxşıdır, gah da dedi stabildir. Gecə növbəsində qalan həkim mənə dedi ki, gəl gör uşağın səni tanıyırmı? Uşağı görəndə dəhşətə gəldim. Uşağım hərəkətsiz vəziyyətdə göyə baxırdı. Həkimə deyəndə ki, uşağımı niyə bu vəziyyətə salmısınız. O, birinci boynuna aldı. Dedi 10 günə düzələcək. Başqa xəstəxanaya göndərdi. Onlar da qəbul etmədi. Baldızım Rusiyada yaşayır. Dedi uşağın sənədlərini göndər. Ordakı həkimlər uşağın beyninə qan sızdığını və təcili əməliyyat olunmalı olduğunu bildirdi. Bütün hər şeyimizi satıb övladımızı əməliyyat etdirdik".

Aparıcı Xoşqədəm Hidayətqızı bildirib ki, Elnur Həsənovla bağlı Rusiyada yaşayanlar da verilişə müraciət edir:"Əgər bir həkimdən 2-dən çox şikayət varsa onun diplomu əlindən alınmalıdır".