Azərbaycanda hazırda 3 OMON-çu ömürlük həbsdədir. Növbəti əfv fərmanında onların azadlığa çıxması gözlənilir. Belə ki, 21 ildir cəza çəkən keçmiş OMON-çular Elçin Əmiraslanov, Səfa Poladov və Arif Kazımov əfv edilmək üçün Azərbaycan Respublikasının prezidenti İlham Əliyevə müraciət ediblər.

İnsan Hüquqları üzrə Birgə işçi qrupun üzvi, hüquq müdafiəçisi Novella Cəfəroğlu açıqlamasında bu haqda danışıb:

“Növbəti əfvi gözləyirik. Artıq siyahını təqdim etmişik. Lakin bu vaxtadək verilən əfv fərmanları ömürlük azadlıqdan məhrum olan şəxslərə aid olmayıb. Bu il isə ömürlük azadlıqdan məhrum edilən OMON-çuların da adını əfv oluna biləcək şəxslərin siyahısına daxil etmişik”.

N.Cəfəroğlu bildirib ki, bu vaxtadək OMON-çuların böyük qismi əfv fərmanı ilə azadlığa buraxılıb. Hüquqşünas Elçin Sadıqov isə saytımıza açıqlamasında vurğulayıb ki, OMON-çularla bağlı sonuncu əfv fərmanı 2005-ci ildə imzalanıb.

Cebhe.info